Na-intercept sang Israeli forces ang Handala, ang barko nga padulong sa Gaza nga may dala nga aid kag activists.
Ginsaka sang armado nga mga persona ang barko samtang ang mga aktibista yara sa deck nga nakasuksuk sang life jackets kag nag-alsa sang ila kamot bilang pagsurrender.
Ginkumpirmar sang foreign ministry sang Israel nga ginbalabagan nila ang Handala sa illegal nga pagsulod sa maritime zone sa coast sang Gaza.
Suno pa diri, hilway nila nga nadala ang barko kag ang mga pasahero padulong sa seaport.
Gin-athag man sang Israel foreign ministry nga ang tanan nga indi otorisado nga pagsulod sa blockade ang makabig nga unlawful, delikado kag nagapanas sa ongoing humanitarian efforts.
Ang Handala nga ginpangalanan kasunod sa kilala nga Palestinian cartoon character, ang kabahin sang Flotilla Coalition (FFC) nga makapila na ka beses nga nagtuyo nga sudlon ang blockade sang Israel para magdul-ong sang bulig sa mga Palestinians.
Suno sa FFC, ginsulod sang Israeli forces ang barko kag gin-abduct ang mga pasahero kag ginkumpiskar ang ila dala nga mga supply nga ginalakipan sang baby formula, diaper, pagkaon, kag bulong.”
