Nagpromisa si Israeli Prime Minister Benjamin Netanyahu nga indi maghatag sang kaluoy sa pag-atake sa Hezbollah, isa ka adlaw matapos ang makamamatay nga strike sang Lebanon sa Israel humalin sang nagsugod ang gyera sang Setyembre.
Sang Domingo, apat ka mga suldado ang nagkalamatay bangud sa drone attack sang Hezbollah samtang suno sa mga volunteer rescuers, kapin 60 ka mga persona ang pilason.
Sa isa ka video statement, ginpahayag ni Netanyahu nga sila ang padayon nga maga-atake sa Hezbollah sa tanan nga bahin sang Lebanon lakip na ang Beirut kag wala ini sang kaluoy.
Humalin sang ginsuguran sang Israel ang pagpangbomba sa Lebanon antes nagpadala sang ground troops sa frontier, ang gyera ang nakapatay na sa indi magnubo 1,315 ka mga persona suno sa tally sang Lebanese health ministry.
Suno sa Hezbollah, sang Lunes, naglunsyar ini sang mga rockets sa isa ka naval base malapit sa Haifa antes ang “big rocket salvo” sang gab-i sa Safed, norte nga banwa sa Israel.
