Gilayon nga nagsugod sa operasyon ang International Solid Waste Integrated Management Specialists, Inc. (ISWIM) matapos ang ginpatigayon nga contract signing kaina sang aga.
Sa interview kay Bacolod City Mayor Greg Gasataya, nagalaom ini nga masolbar na sang ISWIM ang mga problema nga natuga sang nakaligad nga garbage hauler.
Ginpakita naman kaina sang ISWIM ang mga technogies nga ila ginagamit sa Manila.
Ginapakamaayo sang alkalde nga ang bag-o nga garbage collector kag hauler ang may balon nga experience kag expertise.
Sa karun, total clean up anay ang focus sang ISWIM kag sunod na lamang nga iplastar ang ila nga route plan para sa collection.
Suno sa alkalde, maglunsyar man sila sang contact details ukon hotline agud macontact sang mga pumuluyo nga may concern.
Ginalauman sini nga matapos ang total clean up nga indi magdangat sa isa ka semana.
