Ginpahayag sang abugado sa ciudad sang Bacolod nga ang kamatuoran ang magwa gid kag indi matago miyentras tanto.
Sa interview sang Bombo Radyo Bacolod kay Atty. Jomax Ortiz, sa kaso ni dismissed Bamban Tarlac Mayor Alice Guo, ang klaro sa karun amo nga si Cassandra Ong ang nagapalakat sang Lucky South 99.
Suno kay Ortiz, bisan ano pa ka tago kag balibad sang mga abugado ni Alice Guo ang magwa gid.
Dugang pa sini nga balibad nalamang ni Atty. Elmer Galicia ang nagnotaryo sang affidavit ni Guo kag ginpasa sa Department of Justice kag nagfile sang misrepresentation.
Suno sa abugado ang tanan nga pahayag sang abugado ang alibi nalang tanan bangud kinahanglan sang mga ini nga protektahan ang ila mga kliyente bisan ano pa ang matabo.
Dugang pa sini nga ang tanan nga nagakatabo sa karun halin sa POGO, pagwa sang warrant of arrest batok kay Former President Rodrigo Duterte halin sa International Criminal Court, ginaluto nga impeachment batok kay Vice President Sara Duterte kag sa pagpatuman sang warrant of arrest batok kay Pastor Apollo Quiboloy ang kabahin sa mga tikang agud nga mapiang ang mga Duterte kag preparasyon man sa masunod nga election.
Ginpahayag man sini nga kun madakpan gid man si Pastor Apollo Quiboloy wala na ini sang tsansa nga makagwa pa kag mahimo man ini nga I-extradite sang Estados Unidos agud nga atubangon sini ang akusasyon batok sa iya.
