May yara na sang person of interest ang Bacolod Police Station 1 sa nagpangawat sa isa ka appliance center sa dalan Araneta, ciudad sang Bacolod sang Marso 20 sang gab-i.
Sa interview sang Bombo Radyo Bacolod kay Police Major Elmer Bonilla, station commander sang Bacolod Police Station 1, nagpatigayon sang inventory ang mga empleyado sang Imperial Appliance Plaza bangud nagaduda ang mga ini nga may yara sang nadula nga mga appliances apang matapos ang inventory natukiban nga P37,000 nga petty cash ang nadula sa store kag wala sang nakuha nga gamit.
Santo sa kuha sang CCTV footage, nakita nga naga-isahanon nga nagsulod ang suspek sa sulod sang establishemento pasado alas 11:00 ang takna sang gab-i tubtob alas 3:00 ang sang kaagahon kun sa diin nag-agi kag na gwa sa ibabaw sang atop, kag ang corrugated nga atup ang hungod nga buksan ang iya gin-agyan pasulod kag pa gwa.
Suno kay Bonilla, ginpalapta sini sa media outlets ang kuha sang cctv agud nga mabuligan sa pagtumod sang suspek sa pagpangawat sa nasambit nga balaligyaan.
Kasubong man mapat-od kag masiguro nga ang ang suspek gid ang mapasakaan sang nagakaigo nga kaso kun magafile na gid man.
