Ginpili si Hong Kong-born martial arts actor nga si Jackie Chan bilang isa sa torchbearers antes ang nagahilapit nga opening ceremony sang 2024 Paralympics sa Paris, France.
Ang 70-anyos nga renowned actor nga kilala sa iya stunts kag acrobatic fight scenes ang magadala sang torch halin sa Mierkules sang hapon sa Paris.
Yara man sa torch relay ang French actress nga si Elsa Zylberstein kag ang dancer/choreographer nga si Benjamin Millepied.Ang seremonya ang patigayunon sa Stade de France nga may kabahin nga parada halin sa Champs-Elysees pakadto sa Place de la Concorde sa central Paris.
Sang weekend sang ginpasiga ang torch sa Stoke Mandeville sa United Kingdom nga amo ang historic birthplace sang Paralympic Games kag nag-abot ini sa France paagi sa Channel Tunnel sang Domingo kag gindala sang wheelchair fencing medalist nga si Emmanuelle Assmann.
Ipanagtag ini sa 12 Paralympic flames kag dal-on sang 1,000 torchbearers sa ginabanta 50 towns sa 12 ka simultaneous relays.
