May mga spekulasyon nga “for good” na ang paghalin ni James Reid sa Pilipinas agud ipursue ang iya music career abroad, matapos naglapta sa social media ang mga litrato sang iya despidida party sang weekend.
Sa Instagram story sang aktor sang Miyerkules, ginpakigbahin ni James ang litrato sang isa ka cake nga may dedication nga “Bon voyage and good luck, James Reid.”
Wala naman ginpakigbahin sang Filipino-Australian celebrity kun diin ini padulong apang may pila ka mga fan sites sang aktor ang nagpost sang litrato kag videos sang aktor sa airport.
Sang Huwebes, Pebrero 17, may naglapta man nga video kun sa diin nag-abot si James sa Los Angeles International Airport.
Sang Oktubre 2020, nagperma si James sa Los Angeles-based label kag artist management company nga Transparent Arts.
Nalakip sa mga artists sa idalum sang nasambit nga kumpaniya amu ang Dumbfounded, Tiffany Young sang Girls Generation, Kim Han-bin kag Far East Movement.
Si James, 28 anyos, nga una nga nakilala bilang aktor, ang nagfocus sa iya music career humalin sang nagtukod ini sang iya kaugalingon nga music label nga Careless sang 2019.
Sang 2021, si James ang nagrelease sang mga digital singles nga “Soda” kag “Hello.”
