Nagbiya na sa pwesto si Japan Prime Minister Shigeru Ishiba agud malikawan ang division sa sulod sang iya partido nga Liberal Democratic Party (LDP).
Si Ishiba ang nangin prime minister sang Oktubre 2024 kag ginpangunahan ang isa ka coalition sa tunga sang LDP kag Komeito.
Sa iya pagpamuno, nadulaan sang majority lunsay sa upper kag lower chamber sang parliament ang iya coalition matapos ang kaakig sang mga botante sa nagapadayon nga pagsaka sang mga galastuhon sa pungsod.
Matapos nga malutos sang Hulyo, ginpahayag ni Ishiba nga ginabaton sini ang mabug-at nga resulta sang Eleksyon apang nagdesisyon ini nga magpabilin bilang prime minister.
Samtang, subong nga adlaw, natalana nga magboto ang mga miyembro sang LDP agud madesisyunan kun magapreparar sila sang isa ka extraordinary leadership election.
