Ginkakibot sang madamo nga mga netizens ang pag-anunsyar sang isa ka lalaki nga Japanese nga may yara siya sang sinuptan nga nagdangat sa 132 million yen ukon $640,000 sa sulod sang masobra duha ka dekada.
Suno sa Japanese, ini ang natipon niya bangud sa tinutuyo nga magretire sang mas temprano gikan sa stressful sini nga trabaho.
Ang wala mahingadlan nga 45 anyos nga lalaki ang nag-anunsyar nga nalab-ot na sini ang FIRE ukon Financial Independence Retire Early matapos nga gindedikar sini ang 20 ka tuig sang iya kabuhi agud malab-ot ang goal.
Sadtong 2000s siya ang nakasulod sa trabaho apang tuman ka demanding nga trabaho kun sa diin masami ini ginapa-overtime sa trabaho kag kun isa lampas sa alas 12:00 na sang kaagahon siya nakatapos.
Siya ang may maayo man nga sweldo nga 5 million yen ukon $32,000 kada tuig, gani imbes nga magresign sa trabaho kag magpangita sang indi masyado stressful kag demanding, nagdesisyon ini nga apisar nga nabudlayan, nagpadayon ini.
Sa iya nga pagtinir, nagbudlay pa ang sitwasyon kag madamo ang nagakatingala kun worth it man bala ang iya nga pagtinir.
Bangud sa goal sini nga makatipon sang 100 million yen sa labing madali nga panahon, ginbag-o sang Japanese ang iya lifestyle.
Sa baylo nga magtinir ini sa apartment, nagsaylo ini sa company dormitory kag nagbayad sang 30, 000 yen ukon $190 kada bulan.
Wala man ini nagabakal sang bag-o nga mga appliance kag sang furniture sabaylo ginakay-o sini ang mga gamit nga ginahaboy nga gamay lamang ang guba.
Wala man ini naggamit sang aircon sa tion sang summer kag nagaexercise lamang ini kag nagagamit sang habol agud nga indi matugnawan sa tion sang winter.
Samtang sa pagkaon sini, nagakaon lamang ini sang kan-on kag isa ka slice sang prutas.
Wala na man ini nagasud-an.
Wala man ini nagagwa sa tion sang day off sa baylo nagalantaw lang ini sang prison-themed movies kag nagajoke sa iya kaugalingon nga ang iya kabuhi ang daw kaangay sang priso.
