Nagdangat sa P10 mil ang kahalitan matapos nga masunog ang ginakay-o nga jeep sa Barangay Handumanan, Bacolod City kahapon.
Sa interview sang Bombo Radyo Bacolod kay Fire Officer 2 Rolin Paulan, Fire Chief Investigator sang Bacolod City Fire Station, nasunog ang jeep nga ginapanag-iyahan ni Susan Esteve.
Suno kay Paulan sa ila nga imbestigasyon nagdangat sa first alarm ang sunog kag P10,000 ang ginbilin nga kahalitan.
Suno diri, ang ginhalinan sang kalayo nga nagtuga sang sunog ang welding slag.
Ini bangud nga ang jeep ang ginakay-o kag ang mekaniko ang nagpahuway kag nagpangape apang nabilin ang mainit pa nga welding machine kun sa diin gindakop sang kalayo nga gintunaan sang sunog.
Wala man sang iban nga naulamid sa nagluntad nga sunog.
Panugyan ni Paulan nga likawan ang pagbaya sang mga welding machines bisan makadali lang bangud mahimo ini dakpon sang kalayo kag tunaan sang sunog.
