Nagdangat sa balor P680,000 ang narecover gikan sa jeepney driver kag vish vendor sa drug buybust operation nga ginpatigayon sa Bangga Vista Alegre, Barangay Mansilingan, Bacolod City alas-12:03 kaina sang kaagahon.
Ang mga naaresto amo sanday Reagan Perez, 38 anyos, single, jeepney driver kag residente sa Zone 9, Brgy.Handumanan, Bacolod City, ginakonsiderar High Value Individual (HVI) kag yara man sa listahan sang Barangay Anti-Drug Abuse Council (BADAC); kag si Rolando Padilla, 40 anyos, kasado, fish vendor kag residente sang 81 Galo-Ramos Streets, Brgy. 22, Bacolod City, nga ginakonsiderar Street Level Individual (SLI) kag wala sa BADAC list.
Ang operasyon ang ginpatigayon sang City Drug Enforcement Unit sang Bacolod City Police Office (BCPO-CDEU).
Kun sa diin, narecover ang isa ka knot tied ukon nakabugkos nga transparent plastic sachet kag 10 ka heat-sealed transparent plastic sachet sang suspected shabu nga ginabanta nagabug-at sang 100 grams nga may standard drug price nga P680,000.
