Ginpahayag sang jeepney driver sa ciudad sang Bacolod nga maayo kun tani nga magsaka ang pletehan agud nga maka-income man sila. Mahibaloan nga ginaduso sang pila ka transport groups nga magpasaka sang plete nga P2.00 para sa traditional public utility jeepneys (PUJs) kag modern jeepneys bangod sa padayon nga pagsaka sang presyo sang produktong petrolyo.
Sa interview sang Bombo Radyo kay Renmar Manigos, jeepney driver nga may ruta nga Mandalagan- Libertad, dako nga bulig sa ila bilang drivers kun magsaka gid man ang plete bangod ini makadugang sa ila income.
Suno diri, kun sadto mahimo pa sini makapauli sang P500 matapos ang byahe sa karun P300 na lamang ukon mas manubo pa ang iya madala sa iya pamilya.
Suno pa diri, mas madutay na sa karun ang pasahero kay kalabanan wala na nagaggwa bangod mahal ang balaklon.
Samtang, iban nga mga driver wala na lang naggabyahe apang may ara man sang nagabyahe duha ka trip sa aga kag duha ka trip sa hapon agud makatipid.
