Ginkumpirmar sang pinuno sang Bacolod Traffic Authority Office nga magapadayon ang MassKara Dancing Traffic Enforcer nga kompetisyon nga nagtakop kahapon.
Sa interview sang Bombo Radyo kay Police Major Ruel Culanag, ginhingadlan sini ang Top 3 nga mga nagdalaog nga traffic enforcers sang ginhiwat nga MassKara Dancing Traffic Enforcer 2021.
Ang grand champion amu si Jemar Valencia; nagpangaduha naman si Greg Leonaras; kag third place si Araceli Abad.
Suno kay Culanag, nagikan sa 30 ka mga enforcers, nabuhinan ang mga ini kag nangin 17 sa semi-finals kag napulo naman ang nakigbahin sa finals.
Suno sa iya, madamo gid ang nalingaw kag ini ang nangin highlight bangud wala sang Masskara Festival sini nga tuig tuga sang pandemic.
Suno diri, samtang nagasaot ang mga ini, nagapadayon man sila sa pagtrabaho.
Bangud sa positibo nga resulta sang nasambit nga kompetisyon, suno sa BTAO head, magapadayon ang ini nga buluhaton santo man kay Mayor Evelio “Bing” Leonardia.
