Kasal na ang veteran actor nga si Jim Carrey sa iya nga girlfriend nga si Min Ah.
Ini matapos nga kumpirmahon sang spokesperson ni Carrey nga ginkasal ang duha sa isa ka pribado nga seremenya sa Los Angeles sadtong Setyembre.
Wala pa nagpakigbahin sang mga litrato sang ila nga kasal ang married couple kag wala man nagpagwa sang iban pa nga detalye angot sa pribado nga seremonya.
Madugay na nga ginpabilin nga pribado nanday Jim kag Min Ah ang ila nga relasyon kag talagsa man sila nagapakigbahin sa publiko.
Una nga public official sang duha amo ang sa César Awards sa Paris sadtong Pebrero subong nga tuig kun sa diin nakabaton si Jim Carrey sang iya nga honorary César Award.
Ini ang ikatatlo nga kahigayunan nga ginkasal si Carrey.
Una niya nga ginpakasalan si Melissa Womer, nga nangin iloy sang iya mga kabataan nga si Jane Erin Carrey.
Ginkasal ang mga ini sang 1987 kag nagbulagay sang 1995.
Sa ulihi, ginpakaslan sini ang iya nga co-star sa Dumb and Dumber nga si Lauren Holly sang 1996.
Apang nagbulagay man ang mga ini makaligad ang isa ka tuig
