Masobra 11,000 ang job vacancies nga nangin available para sa mga job seekers sa ginpatigayon nga job fair sa SM City Bacolod subong nga Mayo 1, Labor Day.
Sa interview sang Bombo Radyo Bacolod kay Jovelyn Canoy, manager sang Public Employment Service Office (PESO), tuigan na sila nga partner sang Department of Labor and Employment (DOLE) sa pagpatigayon sang job fair.
Suno diri, walo ka overseas companies ang kabahin sa job fair, kag mga local companies na ang nabilin.
Pahayag ni Canoy nga ang mayorya nila nga target sa job fair amo ang makahatag sang job opportunities sa mga fresh senor high school kag college graduates.
May-ara sang kapin P2,000 nga pre-registered job seeker, wala pa nadala ang walk-in.
Suno kay Canoy, nakaligad nga tuig, ang Bacolod City ang may pinakamadamo nga narecord nga job applicants nga nagdangat sa masobra tres mil, gani ginalauman nila nga mas madamo ang subong nga tuig ilabi na nga madamo sang mga fresh graduates.
