Ginpahalin na sa serbisyo ang job order casual nga assigned sa Bacolod City Health Office matapos mapamatud-an nga guilty sa pagpalapta sang mga priority number kabaylo sang cash.
Madumduman nga isa ka pasyente nga nagapila agud makapakonsulta sa CHO ang naghatag sang video sa Bombo Radyo kag makita diri ang job order casual nga nagadaho sang numero sa iban nga pasyente kabaylo sang kwarta.
Sa interview sang Bombo Radyo Bacolod kay Bacolod City Health Officer Dra. Carmela Gensoli, ginpahalin nila ang JO nga nagviral matapos nga mavideohan ini nga nagapanagtag sang priority number kag ginabayaran sang cash.
Suno kay Gensoli, ginhatagan sang leksyon ang JO.
Samtang, nagapanawagan man ini sa mga pumuluyo nga nagapadulong sa CHO nga sundon ang ginahatag sa ila nga oras kag adlaw sang transaction santo sa nakabutang sa numero bangud kinahanglan nga makita sang CHO personnel physically antes issuehan sang health card bangud madamo sang mga tawo nga nagabinutig sang ila health status.
Nagpangabay man ini nga sundon ang schedule kag indi na magpadulong sa CHO agud magpamuyayaw bangud wala man sang may luyag nga matabo ang COVID-19 gani dapat mabuligay lang.
Suno diri, 140 lang ka mga persona ang maakomodar nila sa aga kag 140 man ang sa hapon.
