Ginpaidalum sa Mass Screening kag assessment sang Bacolod City Health Office kag ginpasurender sa Bacolod City Police Office ang mga nagpositibo nga Job Order casuals kag regular employees sang Bacolod City Government.
Sa interview sang Bombo Radyo Bacolod kay Public Order and Safety Office (POSO) Head retired Police Brig. Gen. Primitivo Tabujara Jr., kasunod sang screening kag assessment sa City Health Office, ginpaidalum man sa profiling, kag ginkuhaan sang mugshot kag fingerprinting sa BCPO ang mga empleyado nga nagpositibo sa illegal drug use.
Madumduman nga santo sa pronouncement ni Bacolod City Mayor Alfredo Benitez, ang magapasakop sa rehabilitation program ang mahimo nga mahatagan pa sang tyansa nga liwat makatrabaho sa City Government.
Sa 53 nga kabug-usan nga nagpositibo 34 ang nagpartisipar nga ginalakipan sang 19 gikan sa POSO kag 15 gikan sa Bacolod Traffic Authority Office (BTAO).
Suno kay Tabujara, may-ara sang walo ka personnel sang POSO nga wala napaidalum sa drug test bangod nakasick leave kag may-ara sang tatlo nga bag-o lamang nakabata.
APaathag sini nga sa 390 ka personnel sang POSO, 21 diri ukon 5 percent ang nagpositibo sa illegal drug use samtang sa 380 ka JOs sa BTAO kag 25 ka regular employees, 282 ang napapaidalum sa drug test ukon 32 porsyento nga katumbas sang 11.35 percent.
Ginapanawagan naman ni Tabujara sa mga nagpositibo nga tuod-tuorun ang pagpasakop sa Community-based Drug Rehabilitation Program.
