May mga job order casuals nga assigned sa pila ka eskwelahan sa ciudad sang Bacolod nga makabaton na bwas sang ila nga sweldo para sa bulan sang Abril.
Una diri, nagreklamo ang mga job order casuals bangud bulan na sang Hunyo apang wala pa nila nabaton ang sweldo para sa bulan sang Abril.
Nakabaton sila sang report nga nakaleave ang manugwithdraw sang kwarta gani delayed ang ila nga sweldo.
Suno kay Bacolod City Treasurer Arlene Memoria, magawithdraw na sila sang pondo para sa mga may yara sang payroll kag ginalauman nga mabaton na sang mga JO ang sweldo bwas nga adlaw.
Wala naman nakahibalo si Memoria kun pila ang makabaton sang sweldo bwas.
Suno diri, finished product na ang iya ang City Treasurer’s Office nagikan sa Accounting Office, MASO kag Mayor’s Office kun sa diin igawithdraw nila ang pondo kun may yara na sang payroll.
Panindugan ni Memoria, ang liaison officer sang opisina kun sa diin naassign ang mga job order casuals ang nakahibalo kun ngaa atrasado ang sweldo sang mga ini.
