Ginpauntat na sa pagtrabaho sa Bacolod City Government Center ang isa sa mga job order nga kaupod sa nakuhaan sang litrato nga nagalantaw sang telenovela sa opisina sang Treasurers Office samtang working hours.
Suno kay Bacolod City Administrator Atty. Pacifico Maghari, ginpauntat na sa pagtrabaho ang job order kag ang City Treasurers Office ang ginhatagan tubtob alas 3:00 subong nga hapon agud maghatag sang mga pangalan sang mga personnel nga naglantaw sang TV nga nakuhaan sang litrato sang nakaligad nga bulan.
Suno kay Maghari, matapos nga makapasa sang ila nga sabat ang mga empleyado sa gindagdag nga Notice to Explain para sa posible nga administrative apang depende pa sa City Legal kag rekomendasyon sang alkalde sang syudad sang Bacolod.
Samtang ang mga TV sets ang ginturn-over na sa General Services Office kag nakadepende pa kun ini ang gamiton bilang mga monitor sang cctv cameras sang syudad ukon mahimo man nga idonate sa mga eskwelahan sa syudad sang Bacolod.
