Malauman naman sang mga job order (JO) kag contract of service (COS) employees sang Bacolod City Government ang pagbatun sang gratuity pay sa masunod nga semana.
Sa interview sang Bombo Radyo Bacolod kay Bacolod City Administrator Dr. Lucille Gelvolea, wala pagid sang natumod nga balor apang ini ang may maximum nga P7,000.
Aminado ini nga indi tanan ang makakuha sang maximum amount bangod ini ang nakadepende sa bulan nga gintrabaho.
Ginapasalamat man sini nga nagrelease na sang guidelines ang National Government tuhoy sa distribusyon, kag nagapati si Gelvolea nga sa karun ginacompute na sang budget officer ang ipanagtag nga kwarta.
Tinguhaan sang mga ini nga marelease sang accounting kag treasurer ang kwarta agud magamit sang mga JOs kag COS sa new year.
Kun ini ang makahingagaw sa session sa Lunes, gilayon man nga makahimo sang payroll.
Pasalig sini nga bisan break na, may mabilin man nga mga officer in charge sa mga department heads nga makapirma kag makarelease sang kwarta.
