Ginpasalig ni US President Joe Biden nga preparado ang Estados Unidos bisan ano ang matabo sa iya remarks nagikan sa White House tuhoy sa Russia-Ukraine crisis.
Suno kay Biden, preparado ang Estados Unidos bisan ano ang matabo.
Suno sa iya, handa sila sa diplomacy, mag-engage sa diplomacy kaupod ang Russia kag sa ila mga allies kag partners kag ma-improve ang stability kag security sa Europe.
Handa man ang mga ini suno sa Presidente nga magresponde in kaso nga may magluntad nga pagpang-atake sang Russia sa Ukraine, nga sa karun ginakabig gihapon nga posibilidad.
Suno kay Biden, may yara sang madamo nga lugar para sa diplomacy kaupod ang Russia agud malikawan ang konflikto sa Europe.
Suno sa iya, nakig-istorya ini kay Russian President Putin sang weekend kag gin-athag nga ang US ang handa nga magpadayon sa pagpursue sang high-level diplomacy kag magnegotiate sang “written understandings” kaupod sa Russia.
Suno diri, nagpropose sang diplomacy ang Russian government sa publiko kag nagakompormi ini diri.
Gindugang man ni Biden nga indi pag-isakripisyo sang Estados Unidos ang basic principles sa pagduso sang mga tikang nga maka-advance sang ila common security.
Nagpaandam man si Biden nga kun iinvade sang Russia ang Ukraine sa masunod nga mga inadlaw, magapangatubang ini sang international condemnation.
Gin-athag man sang US President sa mga pumuluyo sang Russia nga indi kontra sang Estados Unidos ang mga Russian citizens.
Suno kay Biden, ang US kag NATO ang indi threat sa Russia.
Gindugang man sini nga wala ginapahog sang Ukraine ang Russia.
Wala man suno sa iya sang missiles ang US ukon ang NATO sa Ukraine kag wala sila sang plano nga magbutang sang nasambit nga mga armas didto.
Suno sa iya, indi nila kontra ang mga pumuluyo sang Russia kag nagapati ini nga luyag nila sang maduguon kag destructive nga gyera batok sa Ukraine.
