Gin-anunsyar sang PBA ang desisyon sini nga suspension without pay kay NorthPort player John Amores para sa nagahilapit nga conference.
Ginbasa ni Atty. Ogie Narvasa ang desisyon sang PBA nga pagsuspendi kay Amores sa tanan sini nga games sa PBA Season 49.
Dugang pa sang PBA nga dapat i-address ni Amores ang iya pagkabayolente agud nga makabalik sa liga.
Para ma-accomplish ini ni Amores kinahanglan sini sang clearance kag dapat nga aprubahan sang PBA ang programa.
Sa karun, napadangat na kay Amores ang impormasyon angot sa iya suspension.
Madumduman nga nagsurrender sa kapulisan si Amores kag ang utod sini matapos nga makita sa CCTV ang pagluthang sini sa isa ka lalaki matapos ang basketball game.
Apang, nakagwa sa presohan ang mag-utod sang makapyansa.
Samtang, layo naman sa katalagman ang biktima kag wala sang may naulamid nga mga tawo sa natabo nga shooting incident.
