Nagpabutyag sang suporta ang aktor nga si John Estrada sa iya bata nga si Kaila kasunod sa nagalapta nga rumor nga may relasyon ini sa iya “Incognito” co-star nga si Daniel Padilla.
Ang rumor angot sa relasyon ni Kaila kag Daniel nag-umpisa sang makit-an ang duha nga magka-upod sa publiko, apang wala naman gin-address sang duha kun ano ang relasyon nila.
Suno kay John, dako na ang iya bata kag wala man siya may ginahimo nga malain, amo nga nagapati siya kun ano man ang mangin desisyon ni Kaila.
Suno pa diri, yara na kay Kaila kun sabton sini ang mga pamangkot angot sa ila nga duha ni Daniel, apang suportado sini ang iya bata sa iya ex-wife nga si Janice de Belen.
Samtang, madumduman naman nga ulihi nga nangin karelasyon ni Daniel amo ang iya former love team partner nga si Kathryn Bernardo sa sulod sang 11 ka tuig nga sa karun may relasyon kay Lucena Mayor Mark Alcala.
