Nagpagwa si Negros Occidental Governor Eugenio Jose Lacson kag Bacolod City Mayor Alfredo Abelardo Benitez kahapon sang Joint Executive Order para sa total ban sa pagpasulod sang mga pork products kag iban pa nga pork related food items nga nagikan sa may positibo nga kaso sang African Swine Fever kalakip na ang nagikan sa Cebu
Ang joint na EO ang ginpagwa sang duha ka matag-as nga opisyal kasunod sang pagpagwa sang EO ni Cebu Governor Gwendolyn Garcia nga nagadumili man sa pagpasulod ukon paglabay sang mga pork products kag iban pa nga pork related food items sa Negros Island.
Santo sa EO total ban ang pagpasulod sa probinsya sang Negros Occidental kag syudad sang Bacolod sang tanan nga buhi nga baboy, semen sang wild boar, baboy, mga produkto sang baboy kag iba pa nga mga pagkaon nga may kaangtanan sa baboy nagikan sa Luzon;Mindanao; Rehiyon 8; Isla sang Panay; Isla ng Guimaras; Probinsya sang Cebu; Isla sang Camotes; Bantayan Island kag iban pa nga mga pungsod nga apekatado sang African Swine Fever nga mahimo ideklarar sang Department of Agrikulture.
Suno kay Provincial Administrator Atty. Rayfrando Diaz, naghimo na sa karon sang koordinasyon ang provincial government sa city government sang Bacolod nga magdihon sang joint executive order agud dumili-an ang mga baboy kag iban pa nga sahi sang poultry products.
Sa pihak nga bahin, magahimo sang letter of appeal ang provincial government sa Cebu nga pahanugutan ang mga hog raisers halin sa Negros Occidental kag Bacolod City nga makaagi sa Cebu Port ang mga baboy kag poulty products dala sang mga negosyante padulong sa ila mga buyers sa Eastern Visayas bangud ASF free naman ang probinsya.
Nahibaluan nga una nga nag-issue sang executive order ang Cebu nga naga-ban sa pagpaagi sang swine and poultry products ang taga-Negros sa pagpati nga ang pagpositibo sang Carcar sa ASF bangud sa mga poultry products nga naghalin sa Negros.Samtang ginpahayag man ni Diaz nga wala man sang certification nga gin-issue ang Department of Agriculture nga ang Negros Occidental infected sang ASF gani wala sang rason nga magban ang Cebu sang mga pork and products nagikan sa probinsya.
