Nagapangatubang man si Jonas Lohan Tobongbanua sang kaso nga murder sa banwa sang Murcia.
Suno kay Police Lt. Frankie Paciente, deputy chief sang Murcia Municipal Police Station, si Tobongbanua ang suspetsado man sa pagpatay kay Randy Mansueto sang tuig 2015 sa Barangay Damsite, Murcia.
Apang nakapiyansa man ini apisar nga murder ang ginapangatubang nga kaso kag ginpasugtan sang korte.
Suno kay Paciente, padayon pa subong ang trial sa murder case.
Kaupod sadto sang suspetsado si Alfredo Agustin kag certain Talaban sang Barangay Damsite sang ginpatay si Mansueto nga isa ka mangunguma sa nasambit nga barangay.
Ginpahayag man sini nga indi man maquestion ang desisyon sang korte sa pagpahanugot nga makapiyansa si Tobongbanua apisar nga ang ginserbe sa iya nga warrant of arrest ang sa kaso nga murder.
Ginalantaw man ni Paciente nga mahimo gun for hire ang trabaho sang suspetsado bangud santo sa nabaton nila nga impormasyon, nagapaniro lamang ini.
Suno diri ang upod sang una ni Tobongbanua nga si Alfredo Agustin ang nakahunong sa karun sa provincial jail bangud nadakpan man sang mga kapulisan matapos nga ginpatay man sini ang barangay kagawad sa Barangay Minoyan sa nasambit nga banwa.
Ginapahayag man nga nagasaylo-saylo man sang puluy-an si Tobongbanua kun ini ang may mahimo nga krimen sa lugar nga iya ginaistaran.
