Jose Manalo, ginkasal na sa dancer nga si Mergene Maranan

Ginkasal na ang television host nga si Jose Manalo kag iya partner nga si Mergene Maranan, ang former member sang dance group nga EB Babes.

Ginpatigayon ang ila intimate beach wedding ceremony sa Boracay sang Martes, December 17.

Gin-upload naman sang mga bisita sa kasal ang mga laragway kag mga videos gikan sa special event.

Yara man sa seremoniya ang iban pa nga show hosts nga sanday Allan K, Paolo Ballesteros, Maine Mendoza, Vic Sotto kag pamilya sini.

Ginhiwat ang kasal nanday Jose kag Mergene wala pa sang isa ka bulan matapos nila nga gin-anunsyo ang ila engagement.

Nag-propose si Jose kay Mergene sang December 2 kag ginpakigbahin man nila sa social media ang ila nga engagement video.