Nagpanindugan ang Joseline International Manpower Corporation Agency nga legal ang ila ahensya.
Sa interview sang Bombo Radyo kay Stephanie Barroca, recruitment officer sang ahensya, may yara sila sang lisenysa halin sa Philippine Overseas Employment Administration kag mga dokumento nga nagapakita nga legal sila.
Suno diri, kun may yara sang problema sa ila nga applicant, ginapadulongan gid nila ini sa ila balay.
Ginapa-atubang nila ang ila applicant sa employer kag sila ang nagapatunga kag kun may problema gid man, ginakuha nila ang ila applicant kag ginpadala sa accommodation kag didto libre ang tanan nila nga pagkaon.
Antes sila ginapabyahe, ginasettle anay nila ang tanan kag ginadala pa nila sa clinic ang applicant kag ginahatagan pa sang kwarta kag sila man ang nagasugat kag nagadul-ong sa applicant kag libre ini tanan.
Pahayag ni Barroca, libre man ang tanan nga pagproseso sang dokumento kag naga-offer pa sila sang P23,000 nga cash advance sa applicant agud may kwarta sila nga mabilin sa ila pamilya antes sila magbyahe sa luwas sang pungsod.
Samtang, ginpakita mismo ni Barroca sa Bombo News Team ang ila lisensya nga nagapamatood nga legal ang ila ahensya.
