Ginkumpirmar ni Securities and Exchange Commission (SEC) lawyer Gerardo Del Rosario kay Senator-judge Francis “Kiko” Pangilinan nga may 54.99 percent ownership ang JTC Group of Companies sa GenCorp Industries Inc., santo sa 2025 General Information Sheet sang kumpanya.
Suno kay Del Rosario, bilang majority shareholder, may dako nga impluwensya ang JTC Group sa mga desisyon sang GenCorp, kalakip ang pagpili sang board members kag pila ka corporate officers.
Sa pagpamangkot ni Pangilinan, ginkumpirmar man ni Del Roasario nga may palarehas nga shareholders kag officers ang GenCorp, City Hall Chow Foods Corporation, kag Metro City Chow Foods Corporation.
Gintindugan ni Senator-judge Bam Aquino nga kinahanglan mahibaluan ang matuod nga papel ni Vice President Sara Duterte sa GenCorp Industries Inc.
Ini matapos ginkumpirmar nga ginlakip mismo sang Bise Presidente ang GenCorp sa iya 2024-2025 SALN.
Suno kay Del Rosario, wala naggwa ang pangalan ni Duterte sa GIS sang GenCorp, gani indi sini matumod kun ano ang matuod sini nga papel sa kompanya.
Ginpamangkot ni Aquino si Defense Counsel Justin Nicol Gular kun ano ang role ni Duterte sa GenCorp, apang sabat sang abogado nga premature pa ini nga talakayon.
Samtang, ginpahayag ni Del Rosario nga mahimo makahatag sang kasanagad sa role ni Duterte ang mga corporate officer sang GenCorp.
Kalakip diri ang Presidente nga si Kimberly Justin Y. Cruz; treasurer nga si Ritchie Evet L. Cruz; kag corporate secretary nga si Girley S. dela Cruz.
Sa ulihi, ginpahayag sang Senador nga “we don’t know, and we want to find out” kun ano gid man ang role ni VP Sara sa GenCorp.
