Nakita sang Task Force Kasanag nga mas ginatutukan pa sang mga matag-as nga opisyal sang gobyerna ang pamulitika sangsa ang problema sa kurapsyon.
Sa interview sang Bombo Radyo Bacolod kay Dr. John Chiong, National Commander sang Task Force Kasanag, dapat ipabatyag sang administrasyon kag mga ahensya sang gobyerno ang assurance sa paghatag sang solusyon sa mga nagapanguna nga problema sa pungsod partikular na ang nagalala nga kurapsyon.
Apang nakita niya nga ini ang kaangay nga ginpahigad na kag nagfocus ang gobyerno sa political rivalry.
Suno diri, ang argumento angot sa mga imbulbado sa flood control anomalies ang yara pa lamang sa lebel sang Sandiganbayan, iban ang gina-imbestigahan palang sa Ombudsman, may-ara sang ginapreparar palang ang pagfile sang complaint, kag may ara nga ginareview palang sa gihapon.
Nagalaom si Chiong nga ang Office of the Ombudsman ang makapagwa man sang assurance nga indi ma-impluwensyahan sang pamulitika.
Suno diri, ang mga involved ang nakita nga mga matag-as man nga opisyal sa executive department kaangay sang mga undersecretaries kag assistant secretaries, kag legislative nga ginalakipan sang mga Kongresista kag Senador.
Bangod involved ang duha ka sanga sang gobyerno, ang Judicial na gid lamang ang ginalauman ni Chiong.
Nagalaom ini nga magapabilin sang Judiciary ang integridad kag transparency sa pagtalakay sa mga reklamo, kag indi ma-impluwensyahan sang away sa politika.
