Nakuha ni San Miguel superstar June Mar Fajardo ang ika-11th Best Player of the Conference award samtang nakuha naman ni Rondae Hollis-Jefferson sang TNT ang Best Import citation sa 2024 PBA Governors’ Cup sa Araneta Coliseum sa Quezon City, kahapon.
Ang awarding ang ginpatigayon antes ang Game 4 sang ngapadayon nga best-of-seven title series.
Nakuha ni Fajardo ang award matapos nga nakarecord sang kabug-usan nga 989 points, nga naglapaw sa statistical points nag 465 kag media votes nga 476, apisar nga siya ang nagapangaduha sa players’ votes nga 252.
Nagakaigo na ini agud nga malutos ang runner-up nga si Japeth Aguilar sang Barangay Ginebra nga nagpangaduha lamang matapos marecord ang 664 puntos.
Siya ang nagpanguna sa players votes nga may 77, apang nagapang-apat lamang sa stats nga nakakuha lang sang 335 points kag nagpangaduha sa media votes nga nakakuha lang sang 252 votes.
Isa pa nga Gin King nga yara sa BPC race si Scottie Thompson nga may yara sang 465 ka puntos samtang si Arvin Tolentino sang Northport ang may yara sang 421 ka puntos, Robert Bolick sang NLEX nga may 401 points, kag CJ Perez sang San Miguel Beer ang may yara sang 366.
Samtang si Hollis-Jefferson ang runaway winner sa Best Import race, matapos nga nakarecord sang 1,121 points.
Nagpanguna siya sa stats nga may 663 points kag media votes nga may 49 samtang siya ang nagapangaduha sa players’ votes nga nakakuha sang 67 puntos.
Nagpangaduha si Justin Brownlee kun sa diin may yara sang kabug-usan nga 947 points kag nakuha man sini ang best-finish sa player’s votes nga may 93 puntos samtang nagapangaduha sa stats nga may 588 kag media votes nga may 266.
Nakakuha naman si Rain or Shine reinforcement Aaron Fuller sang kabug-usan nga 590 puntos kag si EJ Anosike sang San Miguel Beer ang may yara man sang 548.
