Isa ka junk shop sa ciudad sang Bacolod ang ginserbehan sang notice of violation kaina sang aga kadungan sang hugot nga pagpatuman sang Anti-Fencing Law ukon pagpangawat sang kable sang kuryente.
Una diri, nagpagwa sang Executive Order No. 15 Series of 2022 si Bacolod City Mayor Alfredo Benitez nga nagamandu sang intensified kag strict monitoring kag implementasyon sang Anti-Fencing Law may kaangtanan sa pilfering ukon pagkawat sang copper kag electrical wires kag iban pa nga kaangay nga transmission line materials.
Suno kay Bacolod City Councilor Al Victor Espino, chairman sang committee on laws sa Sangguniang Panlungsod, nagconvene ang task force nga magatutok sa kinawatay sang kable sang kuryente sa ciudad.
Kabahin sang task force ang committee on laws, committee on social defense, Bacolod City Permits and Licensing Office, City Mayor’s Office kagh City Legal Office.
Suno kay Espino, ginaidentify ang mga junk shop nga nagabakal sang mga cable wires agud tsekyaron kun may yara sila sang permit kag kaina sang aga, nagsugod na ang paglibot sang nasambit nga task force.
Suno kay Benitez, isa ka notice of violation ang ginserbe sang BPLO bilang sabat sa EO No. 015.
