-- ADVERTISEMENT --
Ginmando ni President Ferdinand “Bongbong” Marcos Jr. ang pagsuspender sang tanan nga importasyon sang bugas sumugod sa Setyembre 1, 2025.
Ini sa tinutuyo nga maprotektahan ang mga local farmers gikan sa tuman ka nubo nga pagbakal sang humay gikan sa mga local farmers nga sa karun yara na lamang sa P13 kada kilo.
Ang desisyon ang ginpagwa matapos ang konsultasyon ni Marcos sa mga Cabinet members sa sidelines sang iya 5-days state visit sa India.
Madumduman nga una na nga ginrekomendar ni Agriculture Secretary Francisco Tiu Laurel Jr. ang pagsuspender sang rice importation kag pagpasaka sang taripa sa imported nga bugas.
