Paathag sang Department of Education nga ang service credits ang magamit sang mga manunudlo agud ma-offset ang ila mga absences bangod sa balatian ukon personal nga rasun, ukon agud marecover ang buhin sa sweldo sa pagbakasyon.
Ang anay Vacation Service Credits ang yara lamang sa 15 ka adlaw kada tuig. Sa revised order, ang mga manunudlo nga may indi magnubo isa ka tuig nga serbisyo kasubong man ang mga nahire sa sulod sang apat ka bulan sang mag-umpisa ang klase, ang sarang maka-avail sang 30 ka adlaw nga Vacation Service Credits kada tuig.
Samtang ang mga newly hired teachers nga magasugod sang serbisyo makaligad sang apat ka bulan humalin sang mag-umpisa ang klase ukon sumugod sa Nobyembre, ang makabatun naman sang 45 ka adlaw nga Vacation Service Credits kada tuig. Sa bag-o nga guidelines, ang mga manunudlo ang maka-earn man sang 1.25 oras nga Vacation Service Credits sa kada oras sang serbisyo sa tion sang School Days, samtang 1.5 hours naman ang ma-earn sa kada oras nga pagserbisyo sa tion sang Christmas breaks, summer breaks, weekends, ukon holidays.
Kun indi naman mabayaran ang teaching overload sa overload pay, sila ang makabatun sang 1.25 hours nga Vacation Service Credits sa kada oras sang pagtudlo overtime, nga magadugang pa sa 30-day entitlement.
