Ginpanindugan ni Justice Secretary Jesus Crispin Remulla nga ang complaints kay suspended Negros Oriental Representative Arnolfo “Arnie” Teves Jr. angot sa illegal possession of firearms and explosives ang nagakaigo na agud nga ini ang kilalahon bilang isa ka terorista.
Samtang yara sa New Bilibid Prison, ginpahayag ni Remulla nga ang kakulang sang murder complaints batok kay Teves ang wala sang konflikto sa plano sang Department of Justice nga ideklarar bilang terorista ang suspendido nga kongresista.
Dugang pa sini nga na-umpisahan na nila ang preliminary steps sa pagkondenar kay Teves bilang isa ka terorista.
Apang ginapanindugan ni Teves nga siya ang indi fit para sa deskripsyon sang matawag nga terorista sa idalum sang Anti-Terror Law.
Pahanumdom sini nga may-ara sang intensyon sa paghuman sang layi kag ini ang para sa mga extremist groups, gani ginakwestyon sang kongresista kun paano siya nalakip ilabi na nga isa lamang siya ka indibidwal.
Dugang pa sini nga apisar wala sang ebidensya batok sa iya, siya ang ginadeklarar na nga terorista, nga nagapakita nga ginagamit lamang ang layi agud nga siya ang mapilitan sa pagpauli agud nga siya ang mapatay.
Madumduman nga ang kongresista nga amo ang ginatag nga main mastermind sa pagpatay kay Negros Oriental Governor Roel Degamo kag sa walo ka iban, ang wala gihapon nagpauli sa Pilipinas bangod sa kahangawa para sa iya nga kabuhi.
