Ginpanugyan ni Justice Secretary Jesus Crispin “Boying” Remulla sa ginapatihan mastermind sa pagpatay kay Negros Oriental Governor Roel Degamo nga maghinulsol na subong nga Semana Santa.
Suno kay Remulla, dapat na nga maghinulsol sa mga nahimo nga kasal-anan.
Tinalikdan nga semana, gin-anunsyar ni Remulla nga si Marvin Miranda, isa sa gina-alegar mastermind sa assassination, ang nadakpan na sang National Bureau of Investigation (NBI) kun sa diin ini ang nagapalagyo gikan sa Negros Oriental.// Sang Lunes, ginpahayag sang Justice Secretary nga nagaggwa nga si suspended Congressman Arnolfo “Arnie” Teves Jr. amo ang mayor nga mastermind sa plano, kag ini ang ginpaanggid sini sa “executive producer” nga nagafinance sa operasyon.
Pahayag ni Remulla nga si Miranda ang wala nagakooperar sa otoridad, apang pasalig sini nga ang kaso ang makabig na nga sarado.
Suno diri, ginahibalo na nila ang dugang pa nga mga papel kag mga impormasyon natuhoy kay Miranda, kalakip na sa mga tawo nga kaupod sini sa pagtrabaho.
