Ginpahayag ni Department of Justice (DOJ) Secretary Jesus Crispin Remulla nga may yara sila sang ginauyatan nga bag-o nga testigo may kaangtanan sa mga missing sabungeros.
Suno sa tiglikom, magluwas sa iban pa nga testigo kaangay kay alyas “Totoy”, may yara sila sang bag-o nga testigo nga makabulig sa ila ginapatigayon nga imbestigasyon.
Apang nagpamalibad anay si Remulla nga pangalanan ini.
Suno pa diri, indi lamang basta testimonies ang ila ginauyatan kundi may yara pa sang sigurado nga ebidensya nagikan sa nasambit nga witness.
Kumpiyansa si Remulla nga magapabkod sini ang kredibilidad sang nagwa nga testigo nga si alyas Totoy.
Samtang, kadungan sang pagbisita ni Philippine National Police (PNP) Chief General Nicolas Torre III sa Department of Justice, ginkumpirmar naman ni Secretary Remulla ang pagpahalin sa isa ka “service commander” sang PNP.
