Gin-anunsyar sang international singer nga si Justin Bieber nga nabun-ag na ang ila first baby sang iya asawa nga si Hailey Baldwin.
Sa isa ka social media post, ginpakigbahin sang songwriter ang litrato sang tiil sa ila baby boy.
Nakabutang man sa caption ang pangalan sang lapsag nga si Jack Blues Bieber.
Ginpakigbahin man ni Hailey ang pareho nga litrato sa iya nga instagram story kag ginbutang man ang pangalan sang ila baby bilang caption kun sa diin kaupod ang teddy bear kag blue heart emojis.
Wala na ang mag-asawa naghatag sang dugang nga detalye kaangay lamang sang birthday sang baby.
Ang Canadian singer kag ang model ang ginkasal sa sulod sang anum katuig ang nag-anunsyar sang ila pagbusong sang Mayo paagi sa mga litrato sa ila tagsa ka mga instagram account.
