Amat-amat na athag ang posibilidad nga kaangtahan ni Sual, Pangasinan Mayor Dong Calugay sa pagpalagyo ni Alice Guo gikan sa Pilipinas.
Suno kay Senate subcommittee on Justice Chair Risa Hontiveros, may mga nagagwa nga impormasyon angot sa posible nga kaangtanan sang alkalde sang Sual sa pagpalagyo sang grupo, santo sa naestoryahan sa isa ka executive session sa ulihi nga hearing sang subcommittee.
Madumduman sang Hwebes, September 5 ang nagconvene ang subpanel sang isa ka executive session agud nga pamatian ang pila ka mga sensitibo nga mga testimoniya kag mga impormasyon.
Apisar nga limitado lamang ang ginhinambit ni Hontiveros, ginhingadlan niya ang alkalde sang Sual nga posible nga may nahibal an sa kontrobersyal nga pagpalagyo.
Suno sa senador, nagalaom siya nga mangin available ang alkalde sa tion nga ipatawag ini.
Nag-apelar pa ang Senador sa alkalde nga kuntani indi ini hinali nga maghalin sa pungsod.
Una na nga ginpamangkot ni Hontiveros si Shiela Guo kun nakahibalo ni nga may relasyon sanday Mayor Alice kag Mayor Calugay, ginsabat man ini ni Shiela nga sa pagkahibalo niya mag-abyan lamang ang duha.
