Magapatigayon sang hugot nga koordinasyon ang Provincial Disaster Risk Reduction and Management Office sa Department of Environment and Natural Resources agud mahibaluan kun ano nga mga factors ang ginhalinan sang pagbaha nga nagluntad sang Northern Negros sang Enero 1.
Sa interview sang Bombo Radyo kay PDRRMO Head Dr. Zeaphard Gerhart Caelian, ginpahayag sini nga isa sa mga anggulo nga ila tulukon amo ang mga quarry kag bangud indi sila technical experts nga may ihibalo diri, magakoordinar sila sa DENR kag mamangkot kun ano nga mga sitwasyon ang makacontribute sa pagbaha.
Suno kay Caelian, ang ahensya ang may experties sa amu sini nga mga bagay gani sila ang pangayuan sang bulig agud matumod kun ano pa gid nga mga factors ang nakaapekto.
Isa man sa mga rason suno diri ang pagdamo sang basura kag ang pagsupon sang mga creeks.
Suno diri sa Biyernes, magakadto sila kaupod ang DENR sa mga bukid kag suba agud tsekyaron ang sitwasyon.
