Wala nalakip sa areas of concern ang ciudad sang Kabankalan para sa 2025 Midterm Elections.
Sa interview sang Bombo Radyo kay Police Lt. Col Roberto Indiape, hepe sang Kabankalan City Police Station, malinong ang sitwasyon sa ciudad apisar nga may yara sang pito ka mga aspirants nga nagfile sang Certificate of Candidacy para sa pagka-alkalde.
Ini ang ginalakipan nanday former Negros Occidental 6th District Congressman Genaro Lim-ao Alvarez, incumbent Mayor Benjie Miranda, anay Negros Occidental Governor Isidro Zayco, John Cordero, Leo Oquias, Eliezer Duron Jr, kag Florelyn Mungaray.
Suno kay Indiape, sa inisyal nga validation wala nalakip sa areas of concern ang ciudad kag ang police officials nga may relatives sa mga magapapili ang narelieve sa pwesto.
Mensahe sini sa mga kandidato nga i-control ang ila leaders kag supporters agud nga mangin matawhay ang pagpatigayon sang pagpangampanya para sa 2025 Midterm elections.
