Nagapati si Department of Education Division of Negros Occidental public information officer Ian Arnold Arnaez, nga lain ang kultura sa mga Barrio Schools gikan sa mga Major Schools.
Suno diri, sang tinalikdan halos ang mga eskwelahan nga biktima sang prank calls kag mga threat amo ang mga major schools.
Nagapati si Arnaez nga ini ang impluwensya sang madamo nga sources partikular na sa social media, bangod sa karun nga henerasyon mas dako ang ginahatag nga oras sang kabataan sa social media kag games.
Samtang indi pagid tuman ka impluwensyado ang mga Barrio Schools gani manubo man ang kaangay nga kaso sang modern school violence.
Pahanumdom sini sa mga ginikanan nga indi isalig sa mga manunudlo ang pagtudlo sang values sa mga kabataan, bangod indi matatapan ang tuman ka damo nga estudyante.
Pahayag sini nga dapat matudlo sa kabataan nga magpaminsar anay antes magdesisyon, ukon matudluan nga mag-analisar antes maghulag.
Nagapati ini nga kun maayo ang pundasyon sang bata, sila ang indi mahapos nga ma-impluwensyahan sang organisasyon sa internet.
Samtang dapat man nga tsekyaron sang ginikanan ang bags sang ila kabataan sa paghalin pa lamang sa balay, bangod aminado si Arnaez, nga sadto paman bisan ang mga Elementary pupil ang nagakakumpiskaran sang mga patalom ukon pitchacorno.
