Nagdangat sa P50,000 ang balor sang ginkawat nga kable sang kuryente sa Bacolod City Government Center Grounds.
Sa interview kay Bacolod City Secretary to the Mayor Atty. Marty Go, tatlo ka mga insidente sang pagpangawat sang electrical wires ang ginpablotter sang Office of the Building Administrator.
Ang insidente ang natabo sang August 28, August, 11 kag August 22 kag ang mga wirings nga ginpangkawat ang nahamtang sa Government Center Grounds kun sa diin makita ang signages sang Bacolod City kag ang marker kasubong man ang mga poste.
Suno kay Go, sa report sang Office of the Building Administrator ang iban nga wirings ang exposed na bangud sa tam-an na ka daan rason nga nagalabaw na ini.
Matapos ang insidente ginpareport ang Public Order and Safety Office (POSO) bangud sila ang incharge sa pagbantay sang palibot sang BCGC Grounds.
Ginmanduan man ang POSO nga doblehon ang pagbantay agud nga malikawan na ang kaangay nga insidente.
Ang mga ginkawat nga kable sang kuryente ang natigayon na nga maislan.
Samtang, ang matumod nga nagkawat sang kable sang kuryente sa government center ang pasakaan sang nagakaigo nga kaso.
