Kadakuon sang itlog, apektado man sang init sang panahon

Apektado man sa karun sang tuman ka init nga tiyempo ang mga kasapatan kun sa diin naggamay ang size sang mga itlog kasubong man sang mga manok.

Suno kay Provincial Veterinary Office Head Dr. Placida Lemana, wala sang problema sa produksyon sang itlog apang may yara lamang sang pagbag-o sa size sang mga ini.

Ini ang naggamay kun ikumpara sa nakaligad.

Samtang kasubong man sa mga manok, nga wala na nagadako gid bangod man sa tuman ka init.

Suno kay Lemana, ini bangod nga wala sang gana magkaon ang manok, kag naga-inom na lamang sang tubig bangod sa kainiton, amo nga dutay lamang nga nutrients ang ila nga makuha.