Luyag sang kalabanan nga mga Pilipino nga hatagan sang atensyon ni President Ferdinand “Bongbong” Marcos Jr. ang issue sang inflation sa iya ika-apat nga State of the Nation Address (SONA).
Santo sa pinakaulihi nga survey sang Pulse Asia, 32.9 percent sang mga respondents ang nagsiling nga dapat unahon sang Presidente ang mga tikang batok sa padayon nga pagsaka sang presyo sang mga balaklon, nga isa ka daku nga isyu sa Metro Manila, sa Visayas, kag sa mga yara sa Class D nga mga panimalay.
Kalakip naman sa iban pa nga mga prayoridad nga luyag sang publiko nga atubangon ni Presidente Marcos ang pagpataas sang sweldo (13.6 percent), kalinong kag katawhay (13.2 percent), pagpasangkad sang trabaho (9.8 percent), pagpanubo sang kaimulon kag kagutom (7.4 percent), kag pagsuporta sa agrikultura (4.1 percent).
Ang Pulse Asia survey ginpatigayon halin Hunyo 26 tubtob 30, 2025 nga ginalakipan sang 1,200 ka mga respondents kag may ±2.8 percent nga margin of error.
