Nagnubo sa 1.96 million ang numero sang mga Pilipino nga wala sang trabaho sang Setyembre halin sa 2.03 million record sang Agosto subong nga tuig santo sa latest Labor Force Survey (LFS) sang Philippine Statistics Authority’s (PSA).
Suno kay PSA chief kag national statistician Claire Dennis Mapa, ang unemployed persons ukon ang numero sang yara sa labor force nga wala sang trabaho ukon negosyo sang Setyembre yara sa 1.96 million.
Ini mas mataas kun ikumpara sa narekord sang unemployed persons sang Setyembre 2024 nga yara sa 1.89 million apang ini mas manubo naman kun ikumpara ini sa Agosto 2025 nga yara ang rekord sa 2.03 million.
Ang unemployment rate sang Setyembre 2025 yara sa 3.8 percent kag ini nagapakita nga 38 gikan sa 1,000 ka tawo sa labor force ang wala sang trabaho ukon negosyo.
