Ginpahayag sang officer sang Public Order and Safety Office nga nadeploy sa Burgos Public Cemetery nga wala na masyado sang tawo nga nagapadulong didto bangud kalabanan sang mga minatay ang ginpull-out na.
Sa interview sang Bombo Radyo Bacolod kay Reynaldo Santoyo, temprano pa nagpauli ang mga nagbisita sa Burgos Public Cemetery kag diutay nalang ang nagbisita kun ipaanggid sang nagligad nga tuig.
Wala man sang nakumpiskar nga matalom nga bagay ukon mga ginadumilian nga mga patalom gikan sa mga nagabisita bangud nga napahibalo na ang mga ini paagi sa pagwaragwag sa Bombo Radyo Bacolod kag iban pa nga media outfit.
Ginalauman man ang pagdagsa sang mga magabisita subong nga adlaw kag may yara sang napulo ka POSO personnel ang idugang agud nga magbantay sa mga nagabisita sa ila mga minatay sa nasambit nga sementeryo.
