Kapin P478 million ang balor sang halit sa agrikultura kag imprastraktura bangud sa tatlo ka asod-asod nga bagyo nga nagsulod sa Philippine Area of Responsibility.
Suno sa National Disaster Risk Reduction and Management Council (NDRRMC), ang mga bagyo Nika, Ofel, kag Pepito ang nakatuga sang halit nga kapin P469.8 million sa imprastraktura sa Cagayan Valley, Central Luzon kag Cordilleras.
Naghalit man ini sang kapin P8.6 million nga balor sang panamon, kasapatan kag farm equipment.
Ang mga weather disasters ang nag-apekto sa kapin 1.8 million nga mga persona kun sa diin kapin 453,000 ang nagpadulong sa mga evacuation centers.
Ginpahayag ni NDRRMC nga wala pa sang kumpirmado nga fatality nagikan sa tatlo ka mga bagyo apang ginpahayag nga indi magnubo sa 25 ang napilasan.
Suno sa mga local officials, indi magnubo sa walo ka mga persona ang nagkalamatay bangud sa Pepito.
