Nagdangat sa masobra P4 billion ang balor sang kapierdehan sa sektor sang agrikultura bangod sa Super Typhoon Carina kag hangin habagat sang tinalikdan nga bulan.
Suno sa Department of Agriculture (DA), santo sa report sang DA-Disaster Risk Reduction and Management Operations Center ang kabug-usan nga balor sang kapierdehan sa crops, livestock, poultry, kag fisheries ang nagdangat sa P4.72 billion.
Apektado diri ang 12 ka rehiyon nga ginalakipan sang Cordillera Administrative Region (CAR), Ilocos, Cagayan Valley, Central Luzon, Calabarzon, Mimaropa, Bicol Region, Western kag Eastern Visayas, Zamboanga Peninsula, Soccsksargen kag Caraga, kun sa diin apektado ang 82,824 hectares sang agricultural areas.
Pinakadako nga naapektuhan amo ang produksyon sang humay sa P1.08 billion, fisheries sa P783.96 million, hgh-value crops sa P691.62 million, mais sa P469.45 million kag livestock kag poultry sub-sector sa P38.26 million nga kapierdehan.
