Nagdangat sa masobra sa P13 million ang balor sang halit sa nagluntad nga sunog sa 23rd Lacson Street, Brgy 5, Bacolod City, kahapon, kapin ala- 1:00 sang hapon.
Sa interview sang Bombo Radyo kay Fire Superintendent Jenny Mae Masip, acting fire marshal sang Bacolod City Fire Station, ala- 1:49 sang nareport ang sunog sa lima ka establishemento nga ginapanag-iyahan sang Outdoor Master Inc. kun sa diin isa ang narekord nga napilasan sa sunog
Suno diri, nag-umpisa ang sunog sa isa ka restaurant kag naglapta sa katupad nga establishemento.
Tatlo ka establishemento ang totally damaged samtang duha naman ang partially damaged.
Gindeklarar naman nga fire out ang sunog alas- 2:16 sang hapon.
Sa inisyal nga imbestigasyon nagdangat sa kapin sa P13,280,000 ang balor sang halit apang ini ang posible pa nga madugangan samtang nagapadayon ang imbestigasyon sa ginhalinan sang sunog.
