Kahalitan sa pananom bangod sa mga pagbaha sa Negros Occidental, nagdangat na sa balor P1.4 million

Nagdangat sa kapin P1.4 million ang balor sang kahalitan sa mga pananom nga humay, mais kag iban pa nga high value crops bangod sa nakaligad nga mga pag-ulan sa probinsya sang Negros Occidental.

Santo sa report sang Provincial Disaster Risk Reduction and Management Council as of 6:00 PM, Septiyembre 20, nagdangat sa 25 ka mga banwa kag ciudad ang apektado lakip na ang 261 ka mga barangay.

Nagdangat sa 7,936 ka mga indibidwal ang nagatinir sa sulod sang mga evacuation centers samtang 1,986 naman ang nagpadulong sa ila mga paryente ukon himata.

Duha ang kumpirmado nga patay samtang wala naman sang missing ukon injured.